ABŞ-də 1966-cı ildən bəri ilk dəfə isti qanlı heyvanlarla qidalanan ətyeyən parazit aşkarlanıb.
Bu barədə məlumatı BBC yayıb. Əvvəlcə Meksikada müşahidə edilən bu parazitin artıq Şimali Amerikaya keçdiyi bildirilir.
ABŞ-də ilk təsdiqlənmiş yoluxma halı Meksika sərhədindən təxminən 48 km aralıda yerləşən Texas ştatının La-Prayor şəhərində qeydə alınıb. Fermerlər xəstəliyin yayılmasının mal-qaranın sayının azalmasına, mal əti istehsalının düşməsinə və nəticədə qiymət artımına səbəb olacağından narahatdırlar. Sözügedən parazit insanlara və ev heyvanlarına da yoluxa bilsə də, insanlar üçün risk faktoru olduqca aşağıdır və belə hallara çox nadir rast gəlinir. Qeyd edək ki, bu milçək növü qida təhlükəsizliyi üçün birbaşa təhdid yaratmır. Yoluxma əsasən xəstə heyvanların daşınması zamanı baş verdiyi üçün ABŞ Kənd Təsərrüfatı Nazirliyi və Texas rəhbərliyi bölgədə 20 km uzunluğunda karantin zonası yaradıb.
Digər tərəfdən, Tayland tətilindən qayıdan Vladivostok sakini də gözlənilməz problemlə üzləşib. Qadının ayağında parazit aşkar olunub. Həkim-infeksionist və parazitoloq Anna Balandinanın sözlərinə görə, xəstəyə kiçik parazitlərin törətdiyi tropik xəstəlik - ankilostomoz diaqnozu qoyulub.
