"ABŞ və "Taliban" arasında heç bir rəsmi əlaqə yoxdur".

7News.Az "Russia Today"ə istinadla xəbər verir ki, bunu Dövlət Departamentinin sözçüsü Ned Prays bildirib.

Onun sözlərinə görə, "Taliban" hərəkatı ilə əlaqələr qeyri-rəsmidir.

"Çünki "Taliban"a etibar etmirik. Yalnız maraqlarımızı və Əfqanıstan xalqının maraqlarını həyata keçirmək üçün "Taliban"la əlaqə saxlayırıq", - deyə Dövlət Departamentinin sözçüsü izah edib.

Sözçü əlavə edib: "Vətəndaşlarımızın təxliyəsinə kömək etmək üçün əlimizdən gələni əsirgəməyəcəyik".