7NEWS.az xəbər verir ki, İranın ballistik raket hücumuna İsrailin mümkün cavab tədbirləri dünyanın gündəmindədir. Müzakirələrdə ən kritik məqam İsrail ordusunun Tehranın nüvə obyektlərinə hücum edib-etməyəcəyidir. ABŞ-ın aparıcı qəzetlərindən olan New York Times-ın iddiasına görə, İranın nüvə obyektlərinə hücum olmayacaq. Digər iddia isə ondan ibarətdir ki, ABŞ-ın Respublikaçılar Partiyasının namizədi Donald Tramp İsrailin "əvvəlcə nüvə bombasını vurmalı, qalan hər şeyi sonra həll etməli” olduğunu hesab edir.