Azərbaycanda ana oğlunu döyüb bir gün qapıda saxlayıb.

7News.Az xəbər verir ki, Xəzər Televiziyasında yayımlanan və Xoşqədım Hidayətqızının aparıcılıq etdiyi "Səni axtarıram" verilişində axtarılan Emil İsmayılovla bağlı bəzi təfərrüatlar ortaya çıxıb. 

Aparıcı bildirib ki, Emilin anası onu döydükdən sonra bir gün qapıda saxlayır: "Evə girməyinə icazə verməyib. Səhərisi gün də Emil evi tərk edib. Onun pis vərdişlərə qoşulmaq kimi ehtimallar var. Ana övladını axtarmaq üçün efirə gəlmir". 

Efirə bağlanan tamaşaçı bildirib ki, Emil pilləkəndə başını dizinin üstündə qoyub oturmuşdu: "Dedim, oğlum, burada niyə oturmusan, deyir yorğunam. Dedim evinə get. O da bildirdi ki, qalmağa yerim yoxdur. Mən internet klubda qalıram".