İngiltərənin Stokport şəhərində kişi arvadını soyuducuda olan çipsləri təsadüfən dondurduğu üçün öldürüb.
Bu barədə "Daily Mirror" yazır.
Belə ki, ötən ilin may ayında 49 yaşlı Tomas Makkann 46 yaşlı həyat yoldaşı İvonna ilə dalaşıb. Səs-küyü eşidən qonşu İvonnaya mesaj yazaraq, nə baş verdiyini soruşub. Qadın bir paçka çips üstündə münahisə etdiklərini bildirib.
Həmin vaxt onların oğlu zəng edərək valideynlərini kəbab yeməyə çağırıb. Tomas razılaşsa da, İvonna incidiyi üçün otaqdan çıxıb. O zaman kişi arvadının telefonunu götürərək oğluna bu sözləri deyib:
"Yaxşı... Sənin atan küçə itidir, özü tək də gəzə bilər".
Yerli vaxtla saat 10:40-dan 15:42-dək Tomas evi tərk etməyib. Müstəntiqlər hesab edirlər ki, məhz həmin zaman o, İvonnanı boğub, bədənini doğrayaraq zibil torbalarına yığıb və yaxınlıqdakı parkda gizlədib.
Bundan sonra Tomas arvadın güya sağ olduğunu göstərmək üçün onun telefonundan tanışlarına və qohumlarına mesajar yazıb. O, həmçinin, öz nömrəsindən də İvonnaya yazaraq çipslərə görə danladığı üçün "üzr istəyib".
Daha sonra Tomas oğlunun yanına gedib və evə gecə 23:00-da sərxoş vəziyyətdə qayıdıb. Bir müddət keçdikdə isə o, İvonnanın yoxa çıxdığı barədə polisə məlumat verib.
Hadisədən iki gün sonra itlərini gəzdirən adamlar parkda insan qalıqlarıyla dolu 8 zibil paketinə rast gəliblər.
Tomas şübhəli şəxs qismində saxlanıldıqdan sonra dindirmə zamanı cinayəti etiraf edib və İvonnanı qışqırığı ilə onu özündən çıxardığı üçün öldürdüyünü deyib.
Qeyd edək ki, MakKann cütlüyü 24 il evli olub və üç övlad böyüdüb. Bir neçə il öncə İvonna Tomasın xəyanət etdiyini öyrənib. Lakin onun böyük qızı Reyçel Lousonun sözlərinə görə, anası yaxşı evdar qadın və gözəl ana olub. Ona görə qız baş verənlərə inana bilmədiyini deyir.
Daha öncə Tayvan sakini sinəsini böyütməkdən imtina edən arvadını öldürüb. Belə ki, 2018-ci ilin noyabr ayından münasibətləri gərginləşdiyi üçün cütlük bir müddət ayrı yaşamaq qərarına gəlib. Kişi qadından ikinci dəfə sinəsini böyütməsini tələb edib, lakin qadın imtina edib. Bu zaman ər arvadını və iki uşağını zəhərləyib öldürərək intihar edib.
