ABŞ-ın Cənubi Karolina ştatının Mertl-Biç şəhərinin sakini Riçard MakKliri 57 il öncə övladlığa götürülən oğlu Cimi onlayn DNT testi vasitəsi ilə taparaq övladına qovuşub.
Bu barədə "Fox 28" telekanalının saytı yazır.
Riçard oğlunu cəmi iki dəfə qucağıa alıb və onu sonuncu dəfə 1963-cü ildə görüb.
O zaman Cimin anası uşağı övladlığa verib.
Həmin vaxtdan ata oğlunun taleyi barədə heç nə bilməyib. Onu tapmaq ümidi ilə Riçard onlayn DNT testindən keçib. Eyni zamanda Cim də bioloji atasını tapmaq üçün həmin testi verib.
Beləliklə, oğul atası ilə əlaqə saxlayıb və aprelin 23-də 57 ildə ilk dəfə olaraq doğma atasıyla görüşüb. Cim həyat yoldaşı ilə birlikdə Riçardın yanına qonaq gəlib.
Hava limanında oğlunu qarşılayan ata göz yaşlarını saxlaya bilməyib.
Məlum olub ki, Cənubi Karolina ştatına köçmədən öncə Riçard oğlundan cəmi 30 dəqiqəlik məsafədə yaşayıb.
Onların görüşmə anını oxuculara təqdim edirik:
