Səkidə gözləyən Selma Tarcanı tapança ilə 8 dəfə atəş açaraq öldürən Yücel Kömlek adlı şəxs eyni silahla intihar edib.

 

7News.Az Türkiyə mediasına istinadən xəbər verir ki, hadisə Türkiyənin Bursa şəhərində baş verib.

 

Hadisə yerli saatla 08:00 radələrində baş verib.

 

Belə ki, Yücel Kömlek (51 yaş) küçədə avtobus dayanacağı yaxınlığında səkidə gözləyən Selma Tarcana (46 yaş) yaxınlaşaraq yanında olan silahla 8 dəfə atəş açıb.

 

Boyun, çiyin və ayaq nahiyələrinə dəyən 5 güllə ilə Tarcan hadisə yerində həyatını itirib, şübhəli isə eyni silahla intihar edib.

 

Hadisə yerinə polis və sağlamlıq qrupları sövq edilib. Hadisə ilə bağlı araşdırmaya  başlanılıb.