Şamaxı rayonunda piyadanın ölümü ilə nəticələnən avtomobil qəzası baş verib.
7News.Az Kanal S-ə (Region TV) istinadən xəbər verir ki, hadisə iyunun 12-də axşam saat 22:05 radələrinə Şamaxı rayonun M.Ə.Rəsulzadə küçəsində, mərkəzi bazarın qarşısında qeydə alınıb.1975 ci-il təvəllüdlü Şamaxı rayon sakini Dünyamalıyev Mehman Teymurağa oğluna məxsus 99 BC 584 Dövlət nişanlı "Mersedes" markalı minik avtomobili sürətlə hərəkətdə olarkən yolu keçən piyadanı, 1977 ci-il təvəllüdlü Baloğlanov Elxan Ağahüseyin oğlunu vurub.
Ağır bədən xəsarətləri alan Elxan Baloğlanov Şamaxı Rayon Mərkəzi Xəstəxanasına aparılarkən yolda dünyasını dəyişib. Faktla bağlı Şamaxı Rayon Polis Şöbəsi tərəfindən araşdırma aparılır.
7News.Az
