Avstriyanın paytaxtı Vyanada Milli Məclisin sədri Sahibə Qafarova və Gürcüstan parlamentinin sədri Kaxa Kuçava arasında görüş keçirilib.

Bu barədə K.Kuçava tvitter hesabında yazıb.

Spiker azərbaycanlı həmkarı ilə görüşün pozitiv keçdiyini bildirib:

"Azərbaycandan olan həmkarımla pozitiv görüş keçirdim. Biz firavanlıq, regional sülh, sabitlik və təhlükəsizliyin dəstəklənməsi naminə Gürcüstan və Azərbaycan arasında strateji tərəfdaşlığın möhkəmləndirilməsinin perspektivlərini müzakirə etdik".