Xaçmaz-Xudat avtomagistralında yol-nəqliyyat hadisəsi baş verib.
Report-un verdiyi məlumata görə, hadisə Xaçmaz-Xudat yolunun Qusarçay kəndi ərazisindən keçən hissəsində qeydə alınıb.
Belə ki, 90-BR-872 dövlət nömrə nişanlı, "Mercedes” markalı avtomobil körpüdən aşıb.
Şahidlərinin sözlərinə görə, hadisəyə yüksək sürət həddi səbəb olub. Sürücü avtomobili qəza yerində qoyaraq qaçıb.
Faktla bağlı araşdırma aparılır.
