Dekabrın 6-dan etibarən Kuba əhalisi üçüncü nəsil (3G) mobil rabitə texnologiyası üzrə mobil internetə çıxış əldə edəcəklər.
7News.Az xəbər verir ki, Kubanın "ETECSA” dövlət telekommunikasiya müəssisəsinin vitse-prezidenti Tanya Velaskesin sözlərinə görə, internetə qoşulma üçün Kuba sakinlərinin "3G” texnologiyasını dəstəkləyən telefona sahib olması kifayətdir.
"İnternetə qoşulma prosesi 8 dekabradək tədricən həyata keçiriləcək. Hər bir abunəçiyə xidmətin aktivləşdirilməsini təsdiq edən mesaj göndəriləcək" – Velaskes deyib.
O, həmçinin bildirib ki, istifadəçilər üçün müxtəlif trafik həcminə malik bir neçə tarif əlçatan olacaq.
7News.Az
