Cənubi Koreya və Polşa azı 400 tank və haubitsaların tədarükü ilə bağlı müqavilə imzalayıb.
Bu barədə Polşanın müdafiə naziri Mariuş Blaşak məlumat verib.
O, tədarüklərin 2022-ci ilin sonundan etibarən başlayacağını vurğulayıb.
İlk tədarüklərə Cənubi Koreya istehsalı olan 10 "K2 Qara Pantera” tankı, həmçinin 24 "K9 Thunder” özüyeriyən haubitsalar daxildir.
Ümumilikdə, Cənubi Koreya Polşaya 2025-ci ilə qədər 180 tank və 212 haubitsa, həmçinin onlar üçün sursat ixrac edəcək.
