Mosulda dronla çəkilən görüntülər dəhşətə gətirir.
7News.az "Mirror"a istinadla bildirir ki, videoda İŞİD terrorçusunun yolu keçən zaman güllələrə tuş gəlməsin deyə uşağı özünə "qalxan" tutması əks olunub.
Görüntülər fevral ayından bu günə qədər azı 4 min vətəndaşın öldüyü Mosulun qərbində uçan drona düşüb.
Məlumata görə,sadəcə mart ayında Amerika hava hücumları nəticəsində 1000 nəfər öldürülüb.
Videodan göründüyü kimi, terrorçu özünü mərmilərdən qorumaq üçün yolu keçərkən uşağı da özü ilə birlikdə "qalxan" əvəzi sürüyür.
Görüntülər bitdikdən sonra terrorçuya və uşağa nə olması barədə məlumat yoxdur.
İraq İnsan haqları idarəsi iddia edir ki, bu həftə ərzində 200 uşaq qaçırılaraq qalxan kimi istifadə olunub.
7News.az
Videonu izləmək üçün şəklə klikləyin:
