Vəkilin sözlərinə görə, Zeynəb Cavadlı ilə son əlaqə iyunun 2-də baş tutub və bundan sonra onunla əlaqə tamamilə kəsilib. Heyq hesab edir ki, Dubay polisi gecə saatlarında evə basqın edərək onu və üç qızını naməlum istiqamətə aparıb.

Vəkilin sözlərinə görə, bu, gözlənilməz deyildi. Zeynəb 2019-cu ildə hökmdarın qardaşı oğlundan boşandığı andan etibarən amansız zorakılıqlara məruz qalıb: evinə hücumlar, həbs təhdidləri və hər mənada öz evində girov götürülmüş səyahət qadağası.

"Dubay polisi sonuncu dəfə onun evinə hücum edəndə, o, bunu dünyaya canlı yayımladı və beynəlxalq yardım üçün çarəsiz, real vaxt rejimində bir müraciət etdi. Bu gün bu müraciətə cavab verilməlidir" .

Vəkil bildirib ki, Zeynəb Cavadlı BMT-yə müraciət etmək üçün hüquqi proses başladıb və yaxın günlərdə beynəlxalq təşkilatlardan təcili müdaxilə tələb olunacaq.

Keçmiş azərbaycanlı milli gimnast olan Zeynəb Cavadlı daha əvvəl yayımladığı videomüraciətdə də uşaqlarının əlindən alınacağından ehtiyat etdiyini bildirmişdi. O, məhkəmə qərarları səbəbindən evinə basqın ediləcəyi və uşaqlarının zorla aparılacağı barədə xəbərdarlıq aldığını iddia etmişdi.Dubay Polisi və Şeyx Səidin nümayəndələri məsələ ilə bağlı hələlik rəsmi açıqlama verməyiblər.

Xatırladaq ki, Şeyxin ikinci arvadı Əliyeva Natalya Müslüm qızı da əslən azərbaycanlı olub. Şeyx onunla Minskdə keçirilən yarışlar zamanı restoranlardan birində tanış olub. Bir zamanlar ofisiant kimi çalışan Natalya şeyxlə evlilikdən sonra adın dəyişərək Ayşə edib və İslam dinini qəbul edib. Səidin üçüncü arvadı isə Zeynəb olub.