7NEWS.az xəbər verir ki, dünyanın hər yerində səhiyyə işçiləri "qanayan göz virusu" kimi tanınan ölümcül xəstəliyin yayılması ilə əlaqədar həyəcan vəziyyətindədir. Ruandada müalicə edilmədikdə tez-tez ölümcül olan "Marburq virusu" epidemiyası səbəbindən ən azı 15 nəfər ölüb. Ümumdünya Səhiyyə Təşkilatı Ruandaya bütün səyahətlərə qarşı xəbərdarlıq edib. Virus yoluxmuş insanların qan damarlarını zədələyir, bədənin müxtəlif yerlərində, o cümlədən gözlərdə qanaxmalara səbəb olur.