Fransanın Kale şəhərindəki Cunqli qaçqın düşərgəsində ərzaq paylanılan zaman qaçqınlar arasında düşən dava nəticəsində 3 mühacir ölüb, 40-ı yaralanıb.

7news.Az Türkiyənin "Anadolu" agentliyinə istinadən məlumat verir ki, yaralılardan 4-nün vəziyyəti ağırdır. 

Məlumata görə, Əfqanıstan və Sudandan olan qaçqınlar arasında qarşıdurma olub. Davadan sonra Əfqanıstandan olan qaçqınlar mühacirlərin yaşadığı 250 çadırı yandırıb.

Cunqli qaçqın düşərgəsində 5 min mühacir məskunlaşıb. Ora dünyanın ən təhlükəli qaçqın düşərgələrindən biri sayılır. Həmin düşərgədə narkotik maddə və silah əldə etməyin asan olduğu deyilir. Bundan başqa orada müxtəlif mafiya qrupları fəaliyyət göstərir.