Çində turistləri daşıyan helikopter qəzaya uğrayıb.

"Haber Global”ın verdiyi məlumata görə, hava nəqliyyatı vasitəsi şərqi Çin dənizinə düşüb.

Hadisənin Futszyan vilayətinin Syamın şəhəri yaxınlığında baş verdiyi bildirilib.

Helikopterdə dörd nəfərin olduğu qeyd edilib. Onlardan üçünün həlak olması artıq təsdiqlənib. Bir nəfər isə itkin düşmüş sayılır. Hazırda onun axtarışları davam edir.

Hüquq-mühafizə orqanları hadisənin baş vermə səbəblərini araşdırır.