Taylandda 11 yaşlı Qrasiya "Ho Jun" ləqəbli sevimli pişiyini mətbəxlərinə girən nəhəng ilanın qarnında tapıb.
7News.Az "Daily Mail"a istinadən xəbər verir ki, bu barədə qızın anası Kançi Nard özünün "Facebook" səhifəsində yazıb.
O, ilanın və göz yaşlarına boğulan qızının fotolarını paylaşaraq əlavə edib ki, evinə gələn xilasedicilər pişiyi xilas edə bilməsələr də, qorxunc heyvanı ərazidən çıxarıblar.
10 mindən çox şərh toplayan paylaşım 58 min dəfə "repost" olunub. Bir çoxları kədərləndiklərini, bəziləri isə ailəyə yeni pişik hədiyyə etmək istədiklərini bildiriblər.
7News.Az
