Avropa İttifaqı ilə Kanada arasında 7 ildir ki müzakirə olunan sərbəst ticarət müqaviləsi nəhayət ki, müsbət sonluqla nəticələnib.

Bu məqsədlə Avropa İttifaqının rəhbəri Donald Tusk, Avropa Komissiyasının sədri Jan Klod Yunker və Kanadanın baş naziri Castin Trüdo arasında saziş imzalanıb. Bildirilir ki, sazişin qüvvəyə minməsi üçün quruma üzv olan 28 ölkənin parlamentləri də məsələyə müsbət rəy verməlidir. Əgər bu baş verərsə Kanada ilə Avropa İttifaqı dövlətləri arasındakı gömrük rüsumlarının 98 faizi ləğv ediləcək.