Şimali Koreya orta radiuslu təsirə malik növbəti raketin sınağını həyata keçirib.
7News.Az `TASS`-a istinadən xəbər verir ki, raket sınağı uğursuzluqla nəticələnib.
Məlumata əsasən raketin buraxılışı yerli vaxtla səhər saat 05.20-də Kanvondo vilayətinin Vonsan şəhərinin ərazisində həyata keçirilib.
Bunun orta radiuslu təsirə malik “Musudan” raketi olduğu ehtimal edilir. Bu qəbildən olan raket ilk dəfə aprelin 15-də sınaqdan keçirilib, amma raket havada partlamışdı, bundan sonra aprelin 28-də də iki buraxılış cəhdi olub və bunlarda uğursuz nəticələnib.
