Miçiqan ştatından olan 25 yaşlı Sten Larkin iki ilə yaxın süni ürəklə yaşayırb.

Bu barədə "LADbible" yazır.

O, kürəyində quraşdırılan süni ürəklə 555 gün yaşayıb.

Belə cihazlara bağlı olan xəstələrin əksəriyyəti daim həkim nəzarəti altında olur, lakin Larkin normal həyat tərzi sürüb, hətta idmanla da məşğul olub.

İki həftə öncə o, donor ürək nəqli əməliyyatı keçirib.

Sten ona donar olan şəxsin ailəsinə təşəkkürünü bildirib və onlarla tanış olmaq istədiyini deyib.

Qeyd edək ki, Larkin kardiomiopatiyadan əziyyət çəkib. Bu ürək xəstəliyi ən sağlam insanlara belə, xəbərdarlıqsız təsir edə bilər.