Prezident İlham Əliyevin orta məktəb müəllimlərinin əməkhaqlarının artırılması ilə bağlı imzaladığı sərəncam 240 min təhsil işçisinə şamil edilib.
7News.az xəbər verir ki, bu barədə məlumatı Təhsil Nazirliyinin sektor müdiri Cəsarət Valehov sosial şəbəkədə yazıb. O bildirib ki, sərəncama əsasən, dövlət büdcəsindən maliyyələşdirilən təhsil müəssisələrində (ali təhsil müəssisələri istisna olmaqla) çalışan işçilərin aylıq vəzifə maaşları 2018-ci il martın 1-dən orta hesabla 10 faiz artırılıb və bu qərar 240 min təhsil işçisinə aiddir.
