7NEWS.az xəbər verir ki, Helikopter ABŞ-ın Meksika körfəzi sahillərində, Luiziana ştatının Morqan Siti şəhərindən təxminən 72 kilometr aralıda qəzaya uğrayıb. ABŞ Sahil Mühafizəsi dünən yerli vaxtla saat 18:30 radələrində baş verən qəzadan sonra xəbərdar edilərək hadisə yerinə xilasedicilərin göndərildiyini açıqlayıb. Suda başıaşağı vəziyyətdə olan helikopterdə aparılan xilasetmə əməliyyatı çərçivəsində 3 ekipaj üzvündən 2-si Yeni Orleandakı sağlamlıq mərkəzinə göndərilib. Batan helikopterdə bir nəfərin cansız cəsədi də tapılıb. Ekipajın kimliyi açıqlanmayıb. Qəzanın səbəbi ilə bağlı rəsmi açıqlama verilməsə də, hadisə ilə bağlı araşdırma başladılıb.