Levi Ced Mörfi (Levi Jed Murphy) "İstagram"ın filtr effekti kimi görünmək üçün plastik əməliyyatlardan keçən gənc oğlandır.
7News.Az xarici mətbuata istinadən xəbər verir ki, ilk kosmetoloji proseduru o, 5 il öncə, 19 yaşında etdirib.
Həmin zaman Levi dodaqlarını "şişirdib".
Nəticədən hədsiz razı olan oğlan növbəti 5 il ərzində rinoplastika, üz dartınması, göz fomasının dəyişdirilməsi daxil daha 10 əməliyyatdan keçib.
Bundan əlavə, Levi mütəmadi olaraq dolğulardan (fillerlərdən) istifadə edir. O, həmçinin, gözəl təbəssüm üçün stomatoloqa müraciət edib.
Onun bütün bu cəhdləri "İnstagram"da məşhur olan "maska"ya oxşamaq üçün edilib:
"Bir dəfə bu filtrdan istifadə etdikdə, mənim görünüşümü necə dəyişdiyini çox bəyənmişdim və həmişə elə görünmək üçün üzümdə dəyişikliklər etmək qərarına gəldim".
Bütün əməliyyatlar oğlana 30 min funta (70 590 manata) başa gəlib. Bu pulları oğlan sosial şəbəkədə açdığı səhifələr sayəsində və öz şəkillərini sataraq qazanıb.
Daha öncə sadə satıcı işləyən Mörfi hazırda 183 min izləyicisi olan "İnstagram" fenomeninə çevrilib.
Cedin "TikTok" izləyicilərinin sayı isə 2 milyonu keçib.
7News.Az
