7NEWS.Az xəbər verir ki, cinayət işinin materialları baxılması üçün Şəki Ağır Cinayətlər Məhkəməsinə göndərilib.

Cinayət işi hakim Nahid Mirzəyevin icraatına verilib.

İş üzrə məhkəmə hazırlıq iclası sentyabrın 6-na təyin olunub.

Qeyd edək ki, aprelin 2-i saat 19 radələrində Oğuz rayon sakini, 1976-cı il təvəllüdlü Aqil Şirinovun almış olduğu xəsarətdən xəstəxanada ölməsi  barədə rayon prokurorluğuna məlumat daxil olub.

Oğuz rayon prokurorluğundan verilən məlumata görə, qardaşı, 1973-cü il təvəllüdlü Namiq Şirinovun yaşadığı evin həyətində aralarında yaranmış mübahisə zamanı Aqil Şirinova bıçaqla xəsarət yetirməsinə əsaslı şübhələr müəyyənləşib.

Faktla bağlı Oğuz rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Namiq Şirinov şübhəli şəxs qismində tutularaq istintaqa cəlb edilib.

 

7NEWS.Az