Perunun paytaxtı Limanın beynəlxalq hava limanında "Airbus A320” təyyarəsi havaya qalxarkən yanğınsöndürən maşınla toqquşub.

Bu barədə "Radio Programas del Peru” nəşri məlumat yayıb.

Bildirilib ki, maşın təyyarənin sağ qanadı ilə toqquşduqdan sonra hava gəmisi alovlanıb və bir müddət yanan quyruğu ilə hərəkət etməyə davam edib.

Yanğınsöndürmə idarəsinin ümumi komandiri Luis Ponse Xaranın sözlərinə görə, avtomobildə olan iki yanğınsöndürən həlak olub.

Qeyd olunub ki, sərnişinlər təyyarədən təxliyə edilib, yanğın söndürülüb.