Dənizlidə təlim təyyarəsinin qəzaya uğraması nəticəsində iki nəfər ölüb. 

7News.Az Türkiyə mətbuatına istinadən xəbər verir ki, bunu əyalətin valisi Hasan Karahan bildirib.

Ölənlərdən biri pilot, digəri isə təyyarə sürməyi öyrənən kursant olub. Onların meyitləri təyyarənin qalıqları altından çıxarılıb.

Qeyd edək ki, noyabrın 19-da Dənizlidə təlim təyyarəsi qəzaya uğrayıb.