Tacikistanla Qırğızıstan sərhəddində yenidən gərginlik yaranıb və bu gərginlik tərəflər arasında silahlı olaya səbəb olub. Tərəflər arasında baş verən atışmada 2 qırğız sərhədçisi yaralanıb.
"Ölkə.Az” RİA-Novostiyə istinadən xəbər verir ki, 8 iyulda 4 qırğız sərhədçisi qanunsuz olaraq Tacikistanın Soqdi vilayətində Rosrovut rayonu ərazisində dövlət sərhəddini keçib.
Üzərlərində Kalaşnikov avtomatı olan sərhədçilər Devaştiç rayonunun sakinlərinə məxsus 9 atı oğrulayıb aparmaq istəyiblər. Tacik sərhədçilərin xəbərdarlığına baxmayaraq qırğız sərhədçilər onlara atəş açıb. Cavab atəşi nəticəsində isə 2 qırğız sərhədçisi yaralanıb.
Hazırda hadisə araşdırılır.
7NEWS.Az
