Bunu 7NEWS.az-a açıqlamasında deputat Vüqar İskəndərov deyib.
"Həqiqətən bu gün regionlarımız günü gündən inkişaf edir. Görülən işlər, həyata keçirilən layihələr, dövlət proqramları bunu deməyə əsas verir. Əlbəttə yerlərdəki məmurlar bu məsələlərdə daha məsuliyyətli və yaradıcı olmalıdır. Düzdür, ölkəmizdə uzun illər aparılan kadr siyasəti öz müsbət nəticələrini verir. Ancaq buna baxmayaraq yenə də biz istisnaları görürük. Prezidentin də qeyd etdiyi kimi Azərbaycanda məmur korpusunda, xüsusilə mərkəzi icra orqanlarında aparılan kadr islahatları nəticəsində vəziyyət böyük dərəcədə sağlamlaşdırılıb. Vaxtilə qanunsuz tapşırıqları verən, qanunsuz varlanmanı özləri üçün əsas məqsəd hesab edən məmurlar demək olar ki, yox dərəcəsindədir. Bu fikrə düşənlər isə əlbəttə ki məhkəmə qarşısında cavab verir. Bu baxımdan Prezidentin çıxışı zamanı toxunduğu məqamları digər məmurlar özləri üçün mütləq şəkildə bir yol xəritəsi hesab etməlidir. Çünki bu gün Azərbaycan istər daxili, istərsə də xarici siyasətdə ancaq uğurlarla yadda qalır. Hər ilimiz əvvəlkindən daha möhtəşəm keçir. Bütün bunlar isə görülən işlərin bəhrəsidir. Ona görə də heç kim bu işlərə kölkə sala bilməz. Bu fikrə düşənlər isə qanun qarşısında mütləq cavab verəcək”.
