ATƏT-in Minsk qrupunun yeni rusiyalı həmsədri İqor Xovayev yaxın zamanda Ermənistana səfər edəcək.
7NEWS.Az xəbər verir ki, bunu Rusiya Xarici İşlər Nazirliyinin xüsusi nümayəndəsi Mariya Zaxarova keçirdiyi birifinqdə deyib.
"Hazırda ATƏT-in Minsq qrupunun yeni rusiyalı həmsədri İqor Xovayev regional səfərdədir. Artıq Azərbaycan rəhbərliyi ilə danışıqlar aparıb və oxşar təmaslar Yerevanda da gözlənilir”, - deyə Zaxarova bildirib.
Onun sözlərinə görə, Moskva ATƏT-in Minsk qrupunun Qarabağ nizamlanması üzrə işinin mövcud mandat əsasında intensivləşdirilməsini dəstəkləyir:
"Həmsədrlər Bakı ilə Yerevan arasında etimad səviyyəsinin artmasına, eləcə də siyasi mövzuların müzakirəsinə keçid kimi xidmət edəcək humanitar məsələlərin həllinə töhfə verə bilər”.
