Bir neçə gün öncə saxlanılan "LazerMed" klinikasının rəhbəri Mehparə Məmmədova sərbəst buraxılıb.

Bu barədə  onun vəkili Cavid Rzazadə məlumat verib.

Vəkil bildirib ki, müdafiə tərəfi istintaqa Mingəçevir şəhər məhkəməsinin 23 may tarixli qətnaməsindən çıxarışı təqdim edib. Fəyyaz Məmmədovun şikayətinin sırf mülki mübahisə xarakterli olduğu və hər hansı bir cinayətin olmadığı təsbit olunub. Bununla da iş adamı Mehparə Məmmədova barəsində olan tutulma qərarı ləğv edilib və o, azadlığa buraxılıb. Fəyyaz Məmmədovun ittihamlarının əsassız olduğu müəyyən edilib.

Vəkil qeyd edib ki, yaxın günlərdə cinayət işinə bəraətverici əsaslarla xitam veriləcəyini gözlənilir.

Qeyd edək ki, Fəyyaz Məmmədov Mehparə Məmmədovaya məxsus Badamdar qəsəbəsində yerləşən klinikanı almaq üçün ona 50 min manat beh verib. Sonra isə pulun qalanını ödəyə bilməyib. Bundan sonra behinin geri qaytarılmasını tələb edib. Dekabr ayın polisə müraciət edib və Cinayət Məcəlləsinin 178.3.2-ci (külli miqdarda dələduzluq) maddəsi ilə cinayət işi başlanılıb. Fevral ayında müdafiə tərəfi Mingəçevir şəhər məhkəməsinə müraciət edərək mülk qaydada iddia qaldırıb. Məhkəmə Mehparə Məmmədovanln xeyrimizə qətnamə çıxarıb və qeyd olunub ki, 50 min manat Mehparə Məmmədovada qalsın, ona dəyən maddi ziyana görə Fəyyaz Məmmədovdan 4 min manat tutulsun.

Bu qərardan sonra istintaq orqanı Mehparə Məmmədova haqda çıxarılan axtarış qərarına əsasən mayın 26-da onu saxlayaraq Nərimanov RPI-nin Müvəqqəti Saxlanma Təcridxanasına yerləşdirib./qafqazinfo

7news.Az