Səhiyyə Nazirliyi Tovuzda baş verən kütləvi zəhərlənməyə aydınlıq gətirib.

7news.Az xəbər verir ki, nazirliyin Respublika Gigiyena və Epidemiologiya Mərkəzinin şöbə müdiri Ziyəddin Kazımov APA-ya deyib ki, hadisə ilə bağlı onlara məlumat verilib, fakt araşdırılır.

"Bütün qida məhsullarından nümunələr götürülüb və yoxlanılır. Hadisə nəticəsində 39 nəfər xəstəxanaya müraciət edib və onlardan 8-i uşaqdır. Lazımi tibbi yardımdan sonra onların hamısı evə buraxılıb. İlkin ehtimallara görə, zəhərlənməyə səbəb ev şəraitində hazırlanan yeməklər və salatlar olub".

7news.Az