Yunanıstan mediası Türkiyə Silahlı Qüvvələrinin gücündən bəhs edən analiz tipli yazılar dərc etməkdə davam edir.

Türkiyənin öz silahlarını istehsal etməsi onun qonşusunu xüsusi təəccüb və təşviş içində saxlayır.

Analizdə Türkiyənin hərbi sahədə olduqca irəli sıralarda olmasını isə bir dövlətə (ABŞ) bağlı olmadan, həm də Rusiya ilə əməkdaşlıq edərək təmin etdikləri də yazılıb.

Həmçinin, Ankaranın ABŞ-dan "F-35” kimi strateji təyyarələr almasına da diqqət çəkilib. Türkiyənin müdafiə sənayesində artıq öz ehtiyaclarını qarşılamaqdan başqa, xaricə silah satması Yunanıstanı hərəkət keçirib. Bildirilib ki, Yunanıstan hökuməti artıq ağlını başına yığmalı, durumun fərqinə varmalıdırlar.

Qardaş ölkənin Çin və İran kimi güclü ölkələrlə əməkdaşlıq qurmağa çalışması Yunanıstanı xüsusi qorxu içində saxlayan faktorlardandır.

Xatırladaq ki, Yunanıstan Müdafiə Nazirliyinin baş qərargah rəisi Evagelos Apostolakis daha öncə verdiyi açıqlamada Türkiyə Silahlı Qüvvələrinin yunan torpaqlarına müdaxilə edəcəyi təqdirində onları yerlə-yeksan edə biləcəklərini demişdi./publika

7News.Az