Türkiyə baş naziri postuna namizəd, enerji və təbii sərvətlər naziri Berat Albayraq ölkədəki hakim rejimlə bağlı açıqlama verib.

7News.az türkiyə KİV-nə istinadən xəbər verir ki, Albayrak ölkədə idarəçilik mexanizmində müəyyən problemlərin olduğunu etiraf edib. 

“Türkiyədə rejim problemi yoxdur. Türkiyədə bir sistem, idarəçilik problemi var. Bu problem isə yalnız Konstitusiya həll edə bilər. Kimlərinsə idarəçiliklə bağlı dilə gətirdiyi şübhələri qulaq ardı etməyin. Sistemdə olan problem hər gün daha da özünü açıq-aşkar büruzə verəcək”, - deyə nazir vurğulayıb.

Xatırladaq ki, Türkiyənin baş naziri Əhməd Davudoğlu bir neçə gün istefa verəcəyini açıqlayıb.