Bursada iki ailə arasında qanlı dava düşüb. 

7News.Az Türkiyə mətbuatına istinadən xəbər verir ki, 5 nəfərin yaralandığı davada ailələr balta və bıçağa əl atıb.

29 yaşlı Sevinc.A əvvəlki evliliyindən olan əlil uşağının həyat yoldaşı 32 yaşlı Əfqan.A və qayınanası 55 yaşlı Nəzirə A. tərəfindən işgəncə gördüyünü iddia edərək, evdən çıxmaq istədiyini bildirib. Azərbaycan vətəndaşları Əfqan A. ilə Sevinc A. arasında başlayan mübahisə tərəflərin yaxınlarının müdaxiləsi ilə daha da böyüyüb. Əlinə balta və bıçaq alan Sevincin qardaşları Əfqanın yaşadığı evə hücum ediblər. Küçədə baş verən davada Sevincin yaxınlarından Dilşad Süleymanova, Maqsud Zololdinov, Rüstəm Məcid və Əfqanın anası Nəzirə müxtəlif bədən xəsarətləri alıb. Hadisə şahidi olan qonşular polis və təcili tibbi yardıma xəbər veriblər. Yaralılar xəstəxanaya yerləşdirilib. Onlardan Maqsud Zololdinovun həyati təhlükəsinin olduğu deyilib. 

Əfqanın qardaşları isə gizləndikləri mənzildə saxlanıllıb. Hadisə ilə bağlı araşdırma aparılır. 5 nəfərin yaralandığı dava ilə bağlı 3 nəfər saxlanılıb.