Türkiyəli mütəxəssislər, yoğun bağırsaq xərçənginin artıq sadəcə qocalıq xəstəliyi olmadığını, 20-50 yaş aralığındakı insanlarda getdikcə daha çox görüldüyünü bildiriblər.

7News.Az Türkiyə mətbuatına istinadən xəbər verir ki, Biruni Universiteti Tibb Fakültəsi Xəstəxanasının Tibbi Onkologiya fakultəsinin mütəxəssisləri yoğun bağırsaq xərçənginin ən vacib erkən əlamətlərindən birinin bağırsaq vərdişlərindəki dəyişikliklər olduğunu və erkən diaqnozun müalicənin uğurunu artırdığını bildiriblər.

Xəstəxana tərəfindən yayımlanan açıqlamada bağırsaq hərəkətləri zamanı çətinlik, ağrı və qanaxma kimi şikayətlərin tez-tez hemoroidlə səhv salındığı bildirilib.

Simptomlar həqiqətən hemoroiddən qaynaqlana bilsə də, uzun müddət davam edən qəbizlik, bağırsaq vərdişlərindəki dəyişikliklər, nəcisin incəlməsi və natamam boşalma hissi kimi hallar varsa, daha ciddi səbəblər araşdırılmalıdır.

Yoğun bağırsaq xərçənginin ən vacib erkən əlamətlərindən birinin bağırsaq nizamlılığındakı dəyişikliklər olduğuna diqqət çəkən həkimlər, əvvəllər müntəzəm bağırsaq hərəkətləri edən bir insanın qəfil qəbizlik, defekasiya zamanı çətinlik və ya ağrı hiss etməsini ciddiyə almalı olduğunu deyiblər. Buna səbəb də şişin bağırsaqda daralmaya səbəb olmasını göstərirlər.

Xəstəlik irəlilədikcə simptomlar güclənir və tədricən oturmaqda çətinlik, şiddətli ağrı, defekasiya zamanı ciddi çətinlik və hətta çəki itkisi kimi hallar da əlavə oluna bilər.  Buna görə də, erkən mərhələlərdə sadə bir müayinə həyat qurtara bilər.