Yaponiyanın İqtisadi Dirçəliş üzrə nazir Daişiro Yamaqiva mübahisəli "Ay təriqəti” münasibətlərinə görə istefa vermək qərarına gəlib.

7NEWS.az xəbər verir ki, Yaponiyanın İqtisadi Dirçəliş üzrə naziri Daişiro Yamaqiva 2019-cu ildə Birləşmə Kilsəsi kimi tanınan "Ay təriqətinə” rəhbərlik edən Hak Ja Han ilə şəkil çəkdirdiyini etiraf edib. Kilsə ilə əlaqələri müəyyən edilən və ictimaiyyətin ona verdiyi suallara şübhəli cavablar verən nazir Yamaqiva baş nazir Fumio Kişida ilə görüşüb. Yamaqiva, hökumət üçün problem yaratmaq niyyətində olmadığını ifadə edərək, kabinetdən istefasını ehtiva edən məktubu Yaponiyanın baş naziri Kişidaya təqdim etdi.

7NEWS.az