Sosial şəbəkələrdə yayılan məlumata əsasən, bəzi şəxslərin yol kənarında dayanaraq sürücülərə yaxınlaşdığı bildirilir. İddiaya görə, həmin şəxslər əsgər yanına getdiklərini deyərək avtomobil sahiblərindən 1-2 litr benzin istədiklərini bildirirlər.

Paylaşım müəllifinin sözlərinə görə, sürücü razılıq verdikdən sonra həmin şəxslər şlanq vasitəsilə avtomobildən nəzərdə tutulandan daha çox – təxminən 10 litrədək yanacaq götürürlər.

İddialarda qeyd olunur ki, daha sonra həmin şəxslər "əsgər yola salmağa gəlmişik” bəhanəsi ilə sürücülərdən əlavə olaraq pul da istəyə bilirlər.