Bu gün avtomobillərdə pərdə və jalüzlərdən istifadə üçün icazə müddəti başa çatır.
7News.Az xəbər verir ki,"Yol hərəkəti haqqında" qanuna görə, hər il mayın 1-dən noyabrın 15-nə kimi olan müddətdə avtomobillərin arxa yan şüşələrində jalüz və görməni məhdudlaşdıran digər vasitələrdən istifadəyə icazə verilir. Noyabrın 15-dən sonra isə bu qadağandır.
Baş Dövlət Yol Polisi İdarəsi bəyan edib ki, qaydaları pozan sürücülər İnzibati Xətalar Məcəlləsinin tələbinə uyğun formada cərimələnəcəklər.
7News.Az
