Rusiyalı prankerlər Vovan (Vladimir Kuznetsov) və Lexusla (Aleksey Stolyarov)  söhbət zamanı ABŞ-ın keçmiş prezidenti Corc Buş Qərbin Ukrayna ərazisində Rusiyaya qarşı müharibə apardığını etiraf edib.

Buş bildirib ki, Ukraynanın missiyası mümkün qədər çox rus əsgərini məhv etməkdir.

"Birləşmiş Ştatların bu hərəkata rəhbərlik etməyə davam etməsi çox vacibdir. Bizim ordumuz sizin gördüyünüz işi dəstəkləyir”- o qeyd edib.

Kiçik Buş onu da əlavə edib ki, hələ zamanında Ukraynanın NATO üzvü olmasına çalışırdıq: 

"Ukraynanın NATO-ya üzv olmasını istəyirdim. Bir müddət Rusiyanın daha mülayim olacağını düşündüm, lakin sonra Putin kəskin şəkildə dəyişdi. Onun istədiyi yeganə şey Ukraynanın NATO-dan kənarda qalması idi”./olke