2026-cı ilin aprelində Andrej Babiš-in Azərbaycana səfəri iki ölkə arasında münasibətlərin intensivləşdiyini göstərən mühüm hadisə kimi yadda qaldı. Qəbələdə baş tutan rəsmi qarşılanma və keçirilən görüşlər göstərdi ki, Azərbaycan–Çexiya əlaqələri yalnız formal diplomatiya ilə məhdudlaşmır, real iqtisadi və geosiyasi məzmun daşıyır.
Prezident İlham Əliyev ilə aparılan danışıqlar zamanı enerji, nəqliyyat və investisiya sahələri əsas müzakirə mövzuları oldu. Azərbaycanın Avropanın enerji təhlükəsizliyində artan rolu Çexiya kimi sənaye ölkələrinin diqqətini cəlb etməkdə davam edir.
Avropa kontekstində Azərbaycanın artan çəkisi
Azərbaycan artıq təkcə region ölkəsi deyil, həm də Avropa İttifaqı üçün strateji tərəfdaş kimi çıxış edir. Bu baxımdan Çexiya ilə əməkdaşlıq Mərkəzi Avropa ilə əlaqələrin gücləndirilməsi baxımından xüsusi əhəmiyyət daşıyır.
Babişin səfəri həm də onu göstərir ki, Avropada müxtəlif siyasi qüvvələr Azərbaycanla əməkdaşlığı prioritet hesab edir. Bu isə rəsmi Bakının apardığı balanslaşdırılmış və praqmatik xarici siyasətin nəticəsidir.
İlham Əliyevə Avropada yanaşma
Prezident İlham Əliyevin son illərdə Avropa liderləri ilə qurduğu münasibətlər daha çox real maraqlara əsaslanır. Enerji, nəqliyyat dəhlizləri və regional sabitlik kimi məsələlər Azərbaycanı Avropa üçün vazkeçilməz tərəfdaşa çevirib.
Bu kontekstdə Çexiya kimi ölkələrin yüksək səviyyəli siyasi fiqurlarının Azərbaycana səfərləri təsadüfi deyil — bu, Avropanın Bakıya artan marağının göstəricisidir. Andrey Babişin Azərbaycana səfəri göstərdi ki, Azərbaycan–Avropa münasibətləri yeni mərhələyə daxil olur. Bu münasibətlər artıq yalnız enerji əməkdaşlığı ilə məhdudlaşmır, daha geniş siyasi və iqtisadi platformanı əhatə edir.
P.S. Məlumat üçün qeyd edim ki, rəhbərlik etdiyim Azərbaycan-Slavyan Gəncləri Assosiasiyası (ASGA) gələn ay Praqada "Azərbaycan-Çexiya gənclərinin birgə təşəbbüsləri" layihəsi çərçivəsində tədbir keçirəcəkdir. Tədbir QHT-lərə Dövlət Dəstəyi Agentliyinin dəstəyi ilə reallaşacaqdır. Bu forum Slavyan ölkələrində reallaşdırdığımız 5-ci forumdur.
Səbuhi Abbasov
ASGA sədri, internet-media ekspert
