7News.az xəbər verir ki, İtaliyanın Siciliya adasında aktiv vulkan və Avropanın ən yüksək vulkanı olan Etna dağı püskürüb. Milli Geofizika və Vulkanologiya İnstitutunun (INGV) məlumatına görə, hadisə orta intensivlikdə ritmik püskürmə kimi qeydə alınıb. Vulkanik aktivlik Kataniya Hava Limanında uçuşların dayandırılmasına səbəb olub. Ərazidə kül yağışı müşahidə olunub və hakimiyyət orqanları hava nəqliyyatı üçün qırmızı həyəcan siqnalı verib.