"Mədəniyyət Nazirliyinin tabeliyində olan 15 idarədən ümumilikdə hər ay 60 min manat pul yığılıb mənə verilirdi”.

7News.Az-ın məlumatına görə, bunu Dövlət Təhlükəsizliyi Xidmətinin yaydığı videoda sabiq Mədəniyyət nazirinin müavini Rafiq Bayramov aldığı rüşvəti etiraf edən zaman deyib.

O qeyd edib ki, rayonlarda mədəniyyət binalarının cari təmir işlərinin aparılması üçün vəsaitlər nəzərdə tutulub:

"Bütün rayonlar üzrə 1 milyon 500 min manat miqdarında pul olurdu. İl ərzində 40-45 müəssisə təmir edilirdi. İdarə rəisləri 10 faiz miqdarında nazirliyə dəstək olaraq vəsaitlər verirdilər. Bu da 150 min manat demək idi. Bəzi hallarda bunu şirkət rəhbərləri, bəzən idarə rəisləri mənə verirdilər”.