Amerikalı milyarder repçi Kanye Uestin konsertinin havası satışa çıxarılıb.
7News.Az xarici mətbuata istinadən xəbər verir ki, ötən həftə 40 min pərəstişkarına "Donda" adlı yeni albomunun təqdimatını edən reperin konsert mərasimində maraqlı anlar yaşanıb.
Belə ki, konsertdə iştirak edən pərəstişkarlarından biri stadionun havasını polietilen torbaya dolduraraq satışa çıxarıb.
Həmin şəxs havanı 3 min 400 dollara təklif edib. Daha sonra qiyməti qaldıraraq 60 min dollar edib.
Onun bu addımı sosial şəbəkələrdə xeyli müzakirə olunaraq gülüş hədəfinə çevrilib.
