Kollektiv Təhlükəsizlik Müqaviləsi Təşkilatının (KTMT) Baş katibi Stanislav Zas Azərbaycan-Ermənistan sərhədindəki gərginlikdən ciddi narahat olduqlarını bildirib.
Bu barədə təşkilatın saytındakı açıqlamada qeyd olunub.
"Bölgədəki gərginliyin artması ciddi narahatlığımıza səbəb olur, bu, Azərbaycan, Ermənistan və Rusiya liderlərinin 10 Noyabr 2020-ci il tarixli bəyanatında təsbit edilmiş üçtərəfli formatlı razılaşmaların həyata keçirilməsinə mənfi təsir göstərə bilər”, - KTMT-nin yaydığı açıqlamada vurğulanır.
Stanislav Zas həmçinin güc tətbiqinin qəbuledilməz olduğunu qeyd edərək Rusiya Federasiyasının bölgədəki vəziyyəti sabitləşdirməyə yönəlmiş səylərini alqışladığını açıqlayıb./oxu
7NEWS.Az
