İngiltərənin Şimali Yorkşir qraflığının Sauerbi kəndində polis qızı olan nəzarətçi Skarett Aldrix məhbuslardan biri ilə sevgili olduqdan sonra 10 aylıq azadlıqdan məhrum edilib.
Bu barədə "Daily Star" yazır.
Belə ki, 2019-cu ildə, 20 yaşında olarkən Skarlett silahlı soyğunçuluq üstündə həbs olunan Consa aşiq olub.
Skarlett Consun saxlanıldığı ciddi rejimli cəzaçəkmə müəssisəsində nəzarətçi kimi çalışıb.
O, məhbusa gizlin şəkildə telefon və SİM-kart çatdırıb. Bundan əlavə, sevgisinin sübutu kimi, qadın Consun nömrəsini budunun iç tərəfində döydürüb.
Onun iş yoldaşları cütlüyün münasibətlərindən şübhələniblər. Qadın iddiaları rədd etsə də, həbsxana işçiləri onun Consa göndərdiyi məktubu ələ keçiribər. Məktubun içində Skarlettin vurdurduğu tatunun şəklini və digər açıq-saçıq fotolarını da olub.
Polis tərəfindən saxlanıldıqdan sonra tibb bacısı həmin döydürməni Skarlettin ayağında gördükdə şübhələr təsdiqini tapıb.
2019-cu ilin sentyabr ayında Consun üstündən tapılan mobil telefonda Aldrixin mesajları aşkarlanıb.
Aprelin 14-də məhkəmə qadını ona inamı doğrultmadığı üçün 10 ay həbs cəzasına məhkum edib. Skarlett Aldrix öz təqsirini etiraf edib.
