Rusiyanın Krasnodar diyarının Yeysk şəhərində "Su-34” qırıcısının yaşayış ərazisinə çırpılması nəticəsində ölənlərin sayı 6-ya çatıb.
7NEWS.Az xəbər verir ki, bu barədə "Baza” məlumat yayıb.
Bildirilib ki, yaralıların sayı 27-yə yüksəlib, daha bir neçə nəfər itkin düşmüş hesab edilir.
Qeyd olunub ki, binada plitələrin çökməyə başlaması xilasetmə əməliyyatına mane olur.
22:41
Rusiyanın Yeysk şəhərində çoxmərtəbəli binanın yaxınlığında "Su-34"ün qəzaya uğraması nəticəsində xəsarət alanların sayı 25 nəfərə çatıb.
7NEWS.Az xəbər verir ki, bu barədə Krasnodar diyarı qubernatorunun müavini Anna Minkova teleqramda yazıb.
Ölənlərin sayı isə 5 nəfər təşkil edir.
22:06
Rusiyanın Yeysk şəhərində çoxmərtəbəli binanın yaxınlığında "Su-34"ün qəzaya uğraması nəticəsində xəsarət alanların sayı 21 nəfərdir, onlardan 4-nün vəziyyəti ağırdır.
7NEWS.Az xəbər verir ki, bu barədə Yeysk Mərkəzi Rayon Xəstəxanasının baş həkimi Miqran Qriqoryan TASS-a bildirib.
Ölənlərin sayı 3 nəfərdir, onların arasında 8-10 yaşlı uşaq da var.
21:13
Rusiyanın Krasnodar diyarının Yeysk şəhərində Su-34 qırıcısının yaşayış ərazisinə çırpılması nəticəsində 2 nəfər ölüb, 15 nəfər yaralanıb.
7NEWS.Az xəbər verir ki, bu barədə ölkənin Fövqəladə Hallar Nazirliyinin Baş İdarəsi məlumat yayıb.
7NEWS.Az
