Naməlum şəxslər Əfqanıstanın Dehlidəki səfirliyinin "Twitter" hesabını oğurlayıblar.
Bu barədə səfirliyin sözçüsü Əbdülhaqq Azad məlumat yayıb.
Bədəməllər Əfqanıstanın Hindistandakı missiyasının "Twitter" səhifəsinə girib eks-prezident Əşrəf Qənini təhqir edən bir neçə mesaj yerləşdiriblər.
"Daxil olmağa çalışdım, amma daxil ola bilmədim. Səhifə "hack" edilmiş kimi görünür”, - deyə Əbdülhaqq Azad sosial şəbəkədəki səhifəsində yazıb.
Təhqiramiz mesajlar bir müddət sonra silinib, ancaq bundan əvvəl Hindistan mediasında əks olunub.
