"Xalqın xidmətçisi” ("Sluqa naroda”) partiyası ölkənin daxili işlər naziri vəzifəsinə deputat, hüquq-mühafizə orqanlarının fəaliyyəti üzrə komitənin sədri Denis Monastırskinin namizəddliyini irəli sürəcəyini açıqlayıb.

Bu barədə fraksiyanın deputatı Aleksandr Kaçura Tvitter səhifəsində yazıb. O bildirib ki, prezident və baş nazirin iştirakı ilə fraksiyanın iclası başlayıb. Prezident Vladimir Zelenski daxili işlər naziri vəzifəsinə Denis Monastırskinin namizədliyini irəli sürüb. Fraksiya təklifi qəbul edib və cümə günü səsvermə keçiriləcək.

Qeyd edək ki, Arsen Avakov bu gün Ukrayna DİN rəhbəri postundan istefa verib.

7NEWS.Az