Günlərdir ki, meşə yanğınlarının tüğyan elədiyi Rusiyanın Yakutsk şəhərində səma tamamilə tüstü ilə örtülüb. Bununla bağlı kadrları rusiyalı tanınmış ictimai xadim, jurnalist Anton Krasovskiy özünün "Instagram” hesabından paylaşıb.
"Yakutskda cəhənnəmdir”, - deyə o, videoya şərh verib.
Qeyd edək ki, meşə yanğınlarının söndürülməsi üçün 2,5 mindən çox insan cəlb olunub. Xilasedicilərə kömək üçün hərbçilər də yollanıb. Regionda iyul ayından fövqəladə vəziyyət elan edilib. Yerli sakinlərə meşələrə getmək yasaqlanıb.
